КЪОРТЪОХМÆ ФÆЛÆБУРЫН

Искуыцæй исты æрбатæлæт кæнын, æввонгæй бирæ истытæ æрбахæссын.

Гуырдзыйы æлдæрттæ ирон адæмы быдырмæ æдæрсгæ цæуын нæ уагътой. Уыцы фыдæнæн мийæн ирон адæм дзуапп лæвæрдтой сæ тыхæй. Арæзтой сæм ныббырстытæ. Ахæм ныббырстытæ арæх арæзтой Ныгуылæн Гуырдзыстонмæ дæр – æлдар Къортъохмæ. Йе 'фцæг дæр ын хуыдтой Къортъохы æфцæг. Арæх ын хастой йæ фæллой, скъæрдтой йын йæ фос, æнцойад ын нæ лæвæрдтой. Уый фæстæ-иу æндæр искуыцæй фос куы æрбатæллæт кодтой, уæддæр-иу дзырдтой: «Кæм сæ баййæфтай, Къортъохмæ фæлæбурдтай», кæнæ «Къортъохы æфцæгыл сæ баййæфтай».